التفاعل .. التفاعل .. التفاعل ..
أهم شي بالنسبة للسوشيال ميديا..
شو يعني تفاعل؟
يعني الناس عم تكتب كومنت ع البوست\المنشور وعم تعمل إعادة نشر Share
كتير بشوف ناس بتسأل: أنا عم أكتب نصوص وبعمل محتوى .. لكن ما في ناس عم تتفاعل .. ليه؟
وكتبت المقالة عشان اجاوب على هالسؤال:
متى بصير في تفاعل على منشور؟
عجَب الناس وحبوا يشاركوه مع صحابهم
خلاهم يفكروا وتجيهم أفكار بدهم يردوا ويحكوها
استفزهم وبدهم يعبروا عن استفزازهم
حرّك عاطفتهم وزكّرهم بحدا فعملوله tag
ضحّكهم وحبّوا يضحكوا معهم أصحابهم اللي بشبهوهم
الموضوع كله بيبدأ من إني أفهم الجمهور اللي بتابعني واللي عم أكتبله.
فِهِم أبعد من الصفات السكانية (Demographics) .. حاول تفهم جمهورك بطريقة سيكولوجية (psychographics) كمان:
شو بيحبوا؟
شو بيكرهوا؟
كيف طبيعة حياتهم؟
شو هية الشغلة اللي بتخوفهم؟
شو بتمنوا يعملوا؟
شو طبيعة تفاعلهم … يعني بتفاعلوا مع صور أكتر ولا فيديو؟
معرفة الديموجرافيكس لجمهورك لتعرف "مين" اللي رح يشتري منك.
ومعرفة السيكوجرافيكس لجمهورك لتعرف "ليه" رح يشتري منك.
“Demographics explain “who” your buyer is, while psychographics explain “why” they buy.” - Hubspot
لما يكون الجمهور اللي بتعملّه محتوى مفهوم بالنسبة الك .. وتعمل محتوى يجاوب ع سؤال ببالهم ..
بتخليهم يقولوا "كأنه كاتبها الي" أو "من زمان كان نفسي أفهم الفرق بين كزا وكزا"
هون انت بتعرف إنك لاقيت الموضوع الصح اللي مناسب لجمهورك.
دايماً خلي ببالك انه في كتييير محتوى ع الانترنت وعشان تتميز بدك تبذل مجهود إضافي لمعرفة جمهورك.
بتمنالك محتوى عالي التفاعل 💜
وبتمنالك حضور رقمي فخم!